Нанды тандап жатканда анын түсүнө же кабыгындагы үрөндөрдүн санына эмес, курамына көңүл бурган жакшы. Бул тууралуу RT басылмасына дарыгер-гастроэнтеролог Мария Шаманская билдирди.
Адамдардын көбү үчүн дан унунан же кара буудай менен буудай уну аралаштырылып бышырылган нан жакшы тандоо болот. Курамынын эң башында дан уну , кара буудайдын сүрүлгөн же обойдук уну жазылышы, ал эми шекер менен туздун өлчөмү аз болушу каалайт.

Дан унунан жасалган нанда була , витаминдер жана минералдар көп болот. Ал эми тамак-аш булалары ичегинин иштешине жардам берип, токчулук сезимин узакка сактайт. Ошол эле учурда дарыгер клетчатканын көлөмүн бара-бара көбөйтүүнү сунуштайт.
Шаманская ак нанды таптакыр тыюу салынган азык деп эсептебейт. Ашказан-ичеги трактынын айрым оорулары курчуп турган маалда ал тургай ак нан жеңил сиңиши мүмкүн. Ал эми глютенсиз нан биринчи кезекте медициналык көрсөтмөлөрү, мисалы, целиакия диагнозу ырасталган адамдарга гана керек.
Адис ошондой эле азыктардын айкалышын эске алууну сунуштайт — нанды жумуртка, балык, быштак, сыр жана жашылчалар менен жеп, толук кандуу тамактанууга кошсо болот.