Шашылыш билдирүү! Бишкек менен Чүйдө катуу шамал болору күтүлүп жатат
Жакынкы бир саат аралыгында жана кечинде Бишкек шаарында жана Чүй өрөөнүндө күн күркүрөп, катуу шамал болот. Бул тууралуу синоптиктер билдиришти.
Маалыматка караганда, батыштан соккон шамалдын ылдамдыгы секундасына 15-20 метрге жетиши мүмкүн.
Тургундарга жарнамалык конструкциялардан жана бак-дарактардан алысыраак болуу, алардын жанына унааларды токтотпоо, терезелерди бекем жабуу жана балконундагы бекитилбеген буюмдарды алуу сунушталат.