USD87.45EUR95.88RUB1.07
24.kg

«Нелегал» рейди: Бишкекте чет өлкөлүктөргө 1,1 миллион сом айып пул салынды

12:25, 28 августа 2026, Бишкек - 24.kg

Бишкекте 5-августтан 19-августка чейин «Нелегал» рейддери өттү. Бул тууралуу Улуттук коопсуздук мамлекеттик комитети билдирди.

Иш-чараларды УКМК кызматкерлери Бишкек шаардык ИИББнин Экстремизмге жана мыйзамсыз миграцияга каршы аракеттенүү кызматы менен биргеликте жүргүзүштү. Алар чет өлкөлүктөр жүргөн турак жайларды, коммерциялык объекттерди жана башка жайларды текшеришти.

Рейддин жыйынтыгы боюнча Бишкек ИИББнин бөлүмдөрүнө 156 чет өлкөлүк жаран жеткирилип, 97 административдик протокол түзүлдү. Айып пулдардын жалпы суммасы 1 миллион 100 миң сомдон ашты.

20-августта укук коргоочулар мототранспортто курьер болуп мыйзамсыз иштеген чет өлкөлүк жарандарды аныктоо үчүн өзүнчө «Нелегал мото-курьер» рейдин өткөрүштү.

48 адамдан миграциялык мыйзамдарды бузуу фактылары табылды. 33 чет өлкөлүккө карата административдик протоколдор түзүлдү. Айып пулдардын жалпы суммасы 322 миң сомду түздү. 10 мотоцикл жана эки электровелосипед атайын айып токтотмого коюлду.

УКМКдан миграциялык мыйзамдарды бузууларды жана чет өлкөлүк жумушчу күчүн мыйзамсыз пайдаланууну аныктоо боюнча иш-чаралар улантыларын билдиришти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18