USD87.45EUR95.88RUB1.07
24.kg

Пайдалуу кеңеш: Аялдардагы карылык процессин жайлатуунун жолдору аталды

12:06, 27 августа 2026, Бишкек - 24.kg

Гинеколог Татьяна Илюхина аялдарга карылык процессин жайлатууга жардам берген төрт кеңешин берди. Адис өз сунуштарын Telegram-каналында жарыялады.

Дарыгердин баалоосу боюнча, аялдардагы курактык өзгөрүүлөр менопауза менен тыгыз байланыштуу жана бир катар физиологиялык өзгөрүүлөр менен коштолот. Алардын катарында — бырыштардын активдүү пайда болушу, теринин ийкемдүүлүгүнүн төмөндөшү, булчуң массасынын жоголушу, углевод жана май алмашуунун бузулушу бар.

Мындан тышкары, бөйрөктүн жана иммундук системанын функциялары өзгөрөт, ал эми өнөкөт, жүрөк-кан тамыр жана онкологиялык оорулардын өрчүп кетишин жогорулатат. Май алмашуунун жайлашы, өз кезегинде, атеросклероз жана деменция коркунучун жогорулатышы мүмкүн.

Бул процесстердин терс таасирин азайтуу үчүн Илюхина сергек адаттарды жаш кезден баштап калыптандырууну сунуштады. Биринчи кезекте кеп үзгүлтүксүз физикалык активдүүлүк жана тең салмактуу тамактануу жөнүндө болуп жатат.

Адис андан кем эмес маанилүү факторлор катары салмакты нормада кармоону, зыяндуу адаттардан баш тартууну, ошондой эле уктоо режимин сактоону, анын сапатын жана узактыгын жогорулатууну атады.

Өзүнчө токтолуп, адис аялдарды дары-дармектерди, витаминдерди жана биологиялык активдүү кошулмаларды контролсуз колдонуудан эскертти. Когнитивдик ден соолукту сактоо үчүн ал китеп окуу, чет тилдерин үйрөнүү жана жаңы көндүмдөргө — ээ болуу (автоунаа айдоодон тартып сүрөт тартууга чейин) аркылуу акыл-эс активдүүлүгүн өнүктүрүүнү сунуштады.

«Бирок, эч кандай кеңеш ар бир адамдын организминин уникалдуулугун, анын тукум куучулугун жана тигил же бул ооруларга карата генетикалык ыктуулугун жокко чыгара албайт», — деп жыйынтыктады Илюхина.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18