USD87.45EUR95.88RUB1.07
24.kg

ШКУ саммити: 15 миңдей милиция кызматкери коопсуздукту камсыздайт

15:06, 26 августа 2026, Бишкек - 24.kg

Кыргызстандын ички иштер органдары Шанхай кызматташтык уюмунун мамлекет башчыларынын саммити жана Бишкекте өтө турган VI Дүйнөлүк көчмөндөр оюндарынын ачылыш аземи учурунда кызмат өтөөнүн күчөтүлгөн тартибине өтүшөт.

Шаардык ички иштер башкы башкармалыгынын (ШИИББ) маалыматы боюнча, коомдук тартипти жана коопсуздукту камсыз кылуу үчүн 15 миңден ашык милиция кызматкери тартылат.

Алар иш-чаралар өтүүчү объекттерде, расмий делегациялардын жүрүү маршруттарында, борбордук көчөлөрдө жана аянттарда, ошондой эле эл көп чогулган жерлерде нөөмөттө болушат. Иш-чараларды алдын алууга, жол кыймылынын коопсуздугуна жана мүмкүн болгон окуяларга ыкчам чара көрүүгө өзгөчө көңүл бурулат.

Даярдыктын алкагында өздүк курам кошумча инструктаждан өтүүдө. Күчтөрдүн жайгашуусу такталып, милиция бөлүмдөрү менен башка мамлекеттик органдардын ортосундагы өз ара аракеттенүү иштелип чыгууда.

Борбор калаанын тургундарынан жана конокторунан жол кыймылындагы убактылуу чектөөлөргө жана көнүмүш маршруттардын өзгөрүшүнө түшүнүү менен мамиле кылууну, сапарларды алдын ала пландаштырууну жана милиция кызматкерлеринин мыйзамдуу талаптарын аткарууну өтүнүшөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18