Надырбек Мамадалиев U-23 курамынын башкы машыктыруучусу болду
Надырбек Мамадалиев Кыргызстандын U-23 Олимпиадалык курама командасынын башкы машыктыруучусу болуп дайындалды. Бул тууралуу Кыргыз футбол биримдигинен билдиришти.
Маалыматка ылайык, тиешелүү чечим аткаруу комитетинин жыйынында кабыл алынды. Мамадалиев бул кызматта Урмат Абдукаимовду алмаштырды.

Жаңы башкы машыктыруучу Азия футбол конфедерациясынын A категориясындагы лицензиясына ээ. Ал буга чейин Кыргызстандын улуттук жана Олимпиадалык курамаларында башкы машыктыруучунун жардамчысы болуп иштеген.
Мамадалиевдин негизги милдеттеринин бири — 2026-жылдын 19-сентябрынан 4-октябрына чейин Японияда өтө турган Азия оюндарына U-23 кураманы даярдоо болуп саналат.