Өлкөдө соңку беш жылда 673 мектеп жана бала бакча курулуп, оңдолду
Акыркы беш жылда Кыргызстанда 673 билим берүү мекемеси курулуп, капиталдык оңдоодон өткөрүлдү. Бул тууралуу Агартуу министринин биринчи орун басары Муктарбек Баймурзаев билдирди.
Анын айтымында, 2021-жылдан 2025-жылга чейин өлкөдө 394 мектеп жана 147 бала бакча курулган. Мындан тышкары, 114 мектеп жана 18 бала бакча капиталдык оңдоодон өткөрүлгөн.
Министрдин орун басары билдиргендей, 2026/2027-окуу жылынын башталышына карата дагы 79 объектте иштерди аяктоо пландалууда. Алардын арасында 39 мектеп, 11 бала бакча жана капиталдык оңдоо жүргүзүлүп жаткан 29 имарат бар.
Мындан тышкары, 2026-жылдын аягына чейин дагы 58 билим берүү мекемесинде иштерди аяктоо ниети бар. 56 объектте курулуш жүрүп жатса, дагы экөөндө капиталдык оңдоо иштери жүргүзүлүүдө.