USD87.45EUR95.88RUB1.07
24.kg

Кыргызстандагы мектеп мугалимдеринин дээрлик 15 пайызы пенсия курагында

14:45, 21 августа 2026, Бишкек - 24.kg

Кыргызстандын мектептеринде 93,8 миң мугалим иштейт. Бул тууралуу 24.kg басылмасына Агартуу министрлигинен билдиришти.

Ведомствонун маалыматы боюнча, алардын ичинде пенсия курагындагы (эркектер — 63 жаш жана андан улуу, аялдар — 58 жаш жана андан улуу) 13,8 миң педагог эмгектенет. Бул жалпы сандын 14,73 пайызын түзөт.

2026-жылдын май айындагы статистикага ылайык, республика боюнча мектептерде 658 мугалим жетишсиз болгон.

«Мугалимдердин тартыштыгы өзгөчө Бишкекте жана Чүй облусунда байкалган. Мисалы, борбор калаада орус тилинде окуткан мектептерде орус тили, математика, тарых, физика, биология, химия, география мугалимдери жетишсиз болсо, кыргыз тилинде окуткан мектептерде орус тили жана дене тарбия мугалимдери тартыш болгон», — деп белгилешти Агартуу министрлигинен.

Жаңыртылган статистика сентябрь айынын аягында белгилүү болот. Чиновниктер апрель айындагы айлык акынын жогорулашынын аркасында мектепте иштөөнү каалагандар көбөйөт деген үмүттө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18