USD87.45EUR95.88RUB1.07
24.kg

Кыргызстандык музыканттар Улуу Британиядагы The Beatles фестивалына барышат

13:24, 18 августа 2026, Бишкек - 24.kg

The Rolls тобу сүйүү жана тынчтык тууралуу унутулгус хиттерди дүйнөгө тартуулаган атактуу ливерпулдук төрттүктүн мекени Ливерпуль шаарында (Улуу Британия) 26-августтан 1-сентябрга чейин өтө турган The Beatles Эл аралык жумалыгында концерт берет.

Иш-чара дүйнөнүн төрт бурчунан келген 70тен ашык музыкалык топту бириктирет. Музыканттар шаардын сахналарында жана Мэтью-стрит 10 дарегинде жайгашкан атактуу The Cavern клубунда өнөр көрсөтүшөт. «Битлз» тобу бул жерде 1961-жылдан 1963-жылга чейин 292 жолу чыккан.

The Beatles тобунун чыгармачылыгынан дем алган The Rolls тобу Бишкекте 2010-жылы негизделген. Өткөн жылдар ичинде коллектив Борбор Азиядагы 60-70-жылдардагы британ жана америкалык музыкага адистешкен өзгөчө музыкалык долбоорго айланган. The Rolls эки жыл мурда Ливерпулдагы Beatleweek фестивалине биринчи жолу катышкан Кыргызстандан барган эң алгачкы топ болуп калган. Кыргыз битлдери бул окуяны уюштуруу комитети өтүнмөгө жооп берип, аларды катышуучулардын расмий тизмесине киргизгенге чейин узак 12 жыл күтүшкөн.

2024-жылдагы дебюттон кийин Ливерпулдун концерттик аянтчаларына кайтып жатып, музыканттар программасын жаңылап, жашарган жаңы курамда чыгышат. Анын курамына эң күчтүү жана популярдуу номерлер менен катар көптөгөн жаңы композициялар кирет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18