Коңурук тартуу көптөгөн жубайлар үчүн өнөкөт стресстин жана мамилелердеги көйгөйлөрдүн булагына айланууда. Бул тууралуу «Лента.ру» басылмасы менен болгон маегинде медицина илимдеринин кандидаты, психотерапевт Ирина Крашкина айтып берди.
Адистин түшүндүрмөсү боюнча, уйкусу канбаган адам майда-чүйдө дүүлүктүрүүчү нерселерге чыдамсыз болуп, тиричиликтеги ар кандай пикир келишпестиктерди алда канча курч кабыл алат. Ал эми коңурук тарткан өнөктөш маселенин канчалык олуттуу экенин аңдап билбей, келип чыккан чатактардын себебин чын жүрөктөн түшүнбөйт.
Бөлөк бөлмөгө барып уктоо аракеттери жубайлардын экөөндө тең уят, күнөө же четке кагылуу (керексиз болуп калуу) сезимдерин пайда кылат. Дарыгер эмоционалдык жактан алыстоонун чыныгы себеби коңуруктун өзү эмес, көйгөйдү биргелешип чечүүгө умтулбагандык экенин баса белгиледи.