USD87.45EUR95.88RUB1.07
24.kg

Бишкекте 14 кабаттуу үйдөн мыйзам бузуулар табылды

09:05, 18 августа 2026, Бишкек - 24.kg

Бишкекте 14 кабаттуу үйдөн мыйзам бузуулар табылды. Бишкек шаарынын Севастопольская көчөсү, 7 дарегинде жайгашкан 14 кабаттуу турак жайдын курулуш иштеринде бир катар мыйзам бузуулар аныкталды. Бул тууралуу Курулуш министрлиги билдирди.

Маалыматка ылайык, аталган турак жайдын 1-блогунун 7-кабатында плитадан чыгып турган арматуранын коргоочу катмарынын өлчөмү долбоордук талаптарга ылайык келбестиги аныкталган. Бул конструкциянын бекемдигине жана ишенимдүүлүгүнө терс таасирин тийгизип, имараттын коопсуздугуна коркунуч жаратышы мүмкүн.

Натыйжада, аталган факт боюнча «Инком системс» ЖЧКсына тиешелүү акт түзүлүп, 200 миң сом өлчөмүндө айып пул салынды.

Ошондой эле аныкталган мыйзам бузууларды белгиленген мөөнөттө жоюу боюнча көрсөтмө берилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18