USD87.45EUR95.88RUB1.07
24.kg

Кыргызстандын ИДПсы 2026-жылдын башынан бери 1 триллион сомдон ашты

11:07, 14 августа 2026, Бишкек - 24.kg

2026-жылдын январь-июль айларынын жыйынтыгы боюнча Ички дүң продукттун көлөмү, алдын ала баалоого ылайык, 1 триллион 172 миллиард 748 миллион сомду түздү. Улуттук статистика комитетинин маалыматына караганда, 2025-жылдын январь-июлуна салыштырмалуу ал 11,1 пайызга өскөн.

Бир ай ичинде ИДПнын өсүшү бир аз басаңдаган — 2026-жылдын июнь айынын жыйынтыгы боюнча ал 11,9 пайызды түзгөн эле.

ИДПнын жалпы көлөмүндө кызмат көрсөтүү чөйрөсүнүн үлүшү 49,8 пайыздан ашыгын, товар өндүрүү тармактары — 34,2 пайызды жана продукцияга болгон таза салыктар — 16 пайызды түздү.

Өнөр жайда кайсы тармактар өсүш боюнча алдыда?

  • 2025-жылдын январь-июль айларына салыштырмалуу өнөр жайдын 11,2 пайыздык өсүшүн камсыз кылган негизги тармактар төмөнкүлөр болду:
  • Химиялык продукцияларды өндүрүү — 2,9 эсеге;
  • Тазаланган мунай продуктуларын өндүрүү — 1,8 эсеге;
  • Унаа каражаттарын өндүрүү — 41,8 пайызга;
  • Жыгач жана кагаз буюмдарын өндүрүү, полиграфиялык ишмердүүлүктүн продукциялары — 37,5 пайызга;
  • Курулуш материалдарын өндүрүү — 33,6 пайызга.

Алдыңкы бештикте өзгөрүүлөр орун алды — фармацевтикалык өндүрүштө жүгүртүү кыйла төмөндөп, бул тармак тизмеден чыгып калды. Жети ай ичинде өнөр жай өндүрүшүнүн жалпы көлөмү 525 миллиард 301,365 миллион сомду түздү.

Баалар боюнча абал кандай?

Январь-июль айларында керектөө бааларынын жана тарифтердин өсүшү (2025-жылдын декабрына салыштырмалуу) 6,7 пайызды түздү. Жылдык туюндурмада инфляция 11,5 пайызга жетип, ылдамдашын улантууда.

2026-жылдын башынан бери баалардын өсүшү бардык негизги позициялар боюнча байкалды. Алсак, төмөнкүлөр кымбаттады:

  • Калкка көрсөтүлүүчү кызматтардын тарифтери — 10,1 пайызга;
  • Алкоголдук ичимдиктер жана тамеки буюмдары — 7,1 пайызга;
  • Тамак-аш азыктары жана алкоголсуз суусундуктар — 5,9 пайызга;
  • Азык-түлүк эмес товарлар — 5,1 пайызга.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18