USD87.45EUR95.88RUB1.07
24.kg

«Келечек оюндары — 2026»: Президент Садыр Жапаров Казакстанга барды

17:31, 29 июля 2026, Бишкек - 24.kg

Президент Садыр Жапаров 29-июлда эл аралык көп спорттук «Келечек оюндары — 2026» мелдешинин ачылыш аземине катышуу үчүн Казакстанга жумушчу сапары менен келди.

Астана шаарынын эл аралык аэропортунда мамлекет башчысын Казакстандын премьер-министри Олжас Бектенов жана башка расмий адамдар тосуп алышты.

Сапардын алкагында президент Садыр Жапаров эл аралык көп спорттук «Келечек оюндары — 2026» мелдешинин ачылыш аземине катышат. Ошондой эле мелдештер өтө турган спорттук аянтчаларга барат.

«Келечек оюндары» — салттуу спорттук дисциплиналарды, ошондой эле заманбап технологиялар менен киберспортту айкалыштырган эл аралык көп спорттук мелдеш болуп саналат.

Быйыл бул мелдешти Казакстан өткөрүп жатат. Астана шаарында 29-июлдан 9-августка чейин өтө турган мелдешке 34 өлкөдөн 800дөн ашык спортчу катышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18