USD87.45EUR95.88RUB1.07
24.kg

Кыргызстандын тоо-кен тармагы бюджетке 46,5 миллиард сом киреше алып келди

12:45, 29 июля 2026, Бишкек - 24.kg

Кыргызстандын тоо-кен тармагы бюджетке 46,5 миллиард сом киреше алып келди. Бул тууралуу Жаратылыш ресурстары, экология жана техникалык көзөмөл министерствосунун 2026-жылдын биринчи жарым жылдыгынын жыйынтыгы боюнча өткөрүлгөн коллегиясында билдиришти.

Январь — июнь айларынын жыйынтыгы боюнча тоо-кен тармагындагы ишканалар бюджетке 46 миллиард 500 миллион сом салык жана төлөм төлөшкөн. Салыштырмалуу айтсак, 2025-жылы бул көрсөткүч 28 миллиард 300 миллион сомду түзгөн. Өсүш 18 миллиард 200 миллион сомду түздү.

Ведомство лицензияны кармап туруу үчүн жыйымдарды администриялоодо байкалаарлык натыйжаларга жетишти:

Пландын аткарылышы: 2026-жылдын 30-июнуна карата ЛКЖ боюнча түшүүлөр 461 миллион 100 миң сомго жетти.

Планды ашыгы менен аткаруу: 375 миллион сом деңгээлинде бекитилген жылдык план 22,85 пайызга ашыгы менен аткарылды.

Пландан тышкаркы кирешелер: Бекитилген жылдык пландан ашкан сумма 85 миллион 700 миң сомду түздү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18