Кыргызстанда негизги капиталга инвестициялардын көлөмү 204 миллиард сомдон ашты
Кыргызстанда негизги капиталга инвестициялардын көлөмү 204 миллиард сомдон ашты. Бул көрсөткүчтү журналисттерге Улуттук статистика комитетинин төрагасы Бактыбек Кудайбергенов билдирди.
Анын айтымында, негизги капиталга инвестициялардын көлөмү 204,4 миллиард сомду түздү. Өткөн жылдын ушул мезгилине салыштырмалуу ал ички жана тышкы каржылоо булактарынын өсүшүнүн эсебинен көбөйдү.
Ички инвестициялардын көлөмү 1,5 эсеге өсүп, 166,7 миллиард сомду түзсө, тышкы булактардын көлөмү 3,2 эсеге (37,6 миллиард сом) көбөйдү.
Инвестициялардын негизги бөлүгү турак жай курулушуна, транспорттук ишмердүүлүккө жана жүктөрдү сактоого, пайдалуу кендерди казууга, электр энергиясы жана газ менен камсыздоого, кайра иштетүү өнөр жайына жана башка тармактарга багытталды.Улуттук статистика комитетинин маалыматы боюнча, инвестициялардын эң чоң көлөмү Бишкек шаарына, ошондой эле Жалал-Абад, Ысык-Көл жана Чүй облустарына туура келди.