USD87.45EUR95.88RUB1.07
24.kg

Улуттук банк 186,4 млн доллар сатып, тогузунчу валюталык интервенциясын жасады

09:18, 15 июля 2026, Бишкек - 24.kg

Кыргызстандын Улуттук банкы бүгүн кайрадан валюта рыногуна чыгып, 186,4 миллион доллар сатты. Бул 2026-жылдын башынан берки тогузунчу валюталык интервенция болуп саналат.

Жалпы сумманын ичинен регулятор 24,8 миллион долларды бүтүм түзүлгөн күнгө чегерүү менен экинчи бөлүгү болгон 161,6 миллион долларды — бүтүм түзүлгөн күндөн башка күнгө чегерүү менен сатты.

Жаңы интервенциядан кийин Улуттук банк жыл башынан бери саткан чет өлкө валютасынын жалпы көлөмү 1 миллиард 472,6 миллион долларга жетти. 2026-жылдагы бардык тогуз операция доллар сатууга багытталган — регулятор валюта сатып алууну жүргүзгөн эмес.

Улуттук банк 2026-жылдагы сегизинчи интервенцияны 29-июнда өткөргөн. Анда жалпысынан 222 миллион 550 миң доллар сатылган. Регулятор аталган мезгил аралыгында жалпысынан 1 миллиард 286,2 миллион доллар саткан.

2025-жылы ал валюта сатуу боюнча сегиз интервенция жасаган. Базарда жалпысынан 853 миллион доллар сатылган. Улуттук банк сатып алуу операцияларын жүргүзгөн эмес.

2024-жылы валюта рыногунда 26 операция жүргүзгөн: анын 13ү — доллар сатып алуу (369,35 миллион) жана 13ү — сатуу (675,65 миллион) боюнча болгон.

2023-жылы КР Улуттук банкы валюта рыногунда 655,72 миллион доллар саткан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18