Кыргыз окуучулары Колумбияда өткөн физика олимпиадасында байгелүү орун алышты
Колумбиянын Букараманга шаарында өткөн 56чы Эл аралык физика олимпиадасында Кыргызстандын курама командасы тарыхый ийгилик жаратты. Бул тууралуу Агартуу министрлигинен билдирди.
Маалыматка ылайык, олимпиадага катышкан беш окуучунун баары сыйлыкка ээ болду. Темирхан Салиев күмүш медаль жеңип алып, Кыргызстанга акыркы 19 жылдагы алгачкы күмүш байгени тартуулады. Ошондой эле Аскар Абдиев, Айтегин Эмилбеков жана Ахмед Абылаев коло медаль тагынса, Нурбол Мырзабеков Ардак грамота менен сыйланды.

Мындан улам Кыргызстандын эл аралык физика олимпиадаларындагы жалпы көрсөткүчү 3 күмүш, 17 коло медаль жана 27 ардак грамотага жетти.