Беш жыл ичинде Кыргызстан Сирия менен Ирактан 551 жаранын кайтарды
2021-жылдан 2025-жылга чейин Ирак менен Сириядан Кыргызстанга 551 жаран кайтарылган. Бул тууралуу Коопсуздук кеңешинин катчысы Адилет Орозбеков Нью-Йоркто өткөн БУУнун Терроризмге каршы төртүнчү жумалыгында билдирди.
Ал өзүнүн баяндамасында президент Садыр Жапаровдун тапшырмасы менен ишке ашырылып жаткан мекенине кайтаруу боюнча улуттук программа тууралуу айтып берди.
Программанын алкагында төмөнкүлөр ишке ашырылган:
- «Мээрим» гуманитардык миссиясы (2021-жыл) — Ирактан 79 бала кайтарылган;
- «Айкөл» операциясынын алты этабы (2022—2024-жылдар) — Сириядагы лагерлерден 470 адам репатриацияланган, анын ичинде 150 аял жана 320 бала бар;
- Репатриациянын кошумча этаптары (2024—2025-жылдар), мунун арты менен кайтарылган жарандардын жалпы саны 551 адамга жеткен.
Адилет Орозбеков мамлекет балдардын коомдо кодуланбашын алдын алуу жана алардын коомго ийгиликтүү аралашуусун камсыздоо үчүн алардын кызыкчылыктарын коргоого өзгөчө көңүл буруп жатканын баса белгиледи.
Эске салсак, Кыргызстандын Коопсуздук кеңешинин катчысы Адилет Орозбеков Нью-Йоркто 29-июнда башталган БУУнун Терроризмге каршы күрөшүү жумалыгына катышууда. Иш-чаранын алкагында ал «Терроризмден эркин келечек» урааны астында өткөн Жогорку деңгээлдеги төртүнчү конференцияда сөз сүйлөдү.