Баткенде балдар үйүнүн 11 жаштагы тарбиялануучусунун өлүмү текшерилүүдө
Баткен облусунда милиция кызматкерлери балдар үйүнүн 11 жаштагы тарбиялануучусунун өлүмү боюнча текшерүү иштерин жүргүзүп жатышат. Бул тууралуу 24.kg агенттигине облустук ИИБдин басма сөз катчысы Дамира Юсупова билдирди.
Анын айтымында, бала 28-июнда райондук ооруканада каза болгон. Ошол эле күнү анын сөөгү жерге берилген. Милициядан такташкандай, бала медициналык мекемеге дене табы абдан жогору болуп жеткирилген.
Каза болгон бала Кадамжай районунун Совет айыл аймагында жайгашкан балдар үйүнүн тарбиялануучусу болгон.
Учурда укук коргоо органдары тергөөгө чейинки текшерүү иштерин жүргүзүп, окуянын бардык чоо-жайын тактап жатышат.