Дүйнө чемпионаты-2026: Франция курамасы Швецияны утуп, 1/8 финалга чыкты
Футбол боюнча дүйнө чемпионатында Франция курамасы Швецияны утуп, 1/8 финалга жолдомо алды.
1/16 финалдык беттеште француздар шведдерди 3:0 эсебинде жеңип алды. Эки голду курама команданын капитаны Килиан Мбаппе киргизсе, дагы бир голду Брэдли Баркола өз эсебине жазды.

Бүгүнкү дублдан кийин 27 жаштагы Килиан Мбаппе дүйнө чемпионаттарынын бүткүл тарыхындагы эң мыкты бомбардирлердин тизмесинде аргентиналык Лионель Мессиден бир гана гол артта калууда. Мессинин эсебинде 19 гол болсо, Мбаппеде — 18.
Франциялык чабуулчу ошондой эле турнирдин плей-офф этаптарында киргизилген голдордун саны боюнча да рекордчу болуп калды (10 гол).
Эске салсак, 1/8 финалда Франция курамасы 5-яварда Парагвай командасы менен кездешет.