USD87.45EUR95.88RUB1.07
24.kg

Бул сезондо Баткенден Ысык-Көлгө түз аба каттамы ачылат

12:33, 29 июня 2026, Бишкек - 24.kg

«Asman Airlines» авиакомпаниясы Кыргызстандын ички авиакаттамдарынын тарыхында жаңы барак ачууда. 2026-жылдын 16-июлунан тарта биринчи жолу Баткен — Тамчы — Баткен багыты боюнча түз сезондук каттам ачылат.

«Кыргызстан аэропорттору» ААКтын маалыматы боюнча, эми өлкөнүн түштүгүнүн тургундарына Ысык-Көлдүн жээгине жетүү үчүн болжол менен бир гана саат убакыт керектелет. Жаңы каттам Кыргызстандын эң популярдуу туристтик багыттарынын бирин жакыныраак, жеткиликтүүрөөк жана ыңгайлуураак кылат.

Учуулар ар бейшемби күнү күндүн биринчи жарымында аткарылат, бул жүргүнчүлөргө эс алуу убактысын максималдуу түрдө натыйжалуу пайдаланууга мүмкүндүк берет.

 Билеттин бир тарапка болгон баасы 6 миң 500 сомду түзөт. Билетти бул баада авиакомпаниянын расмий сайтынан же «Asman Airlines» мобилдик тиркемесинен гана — эч кандай комиссиясыз жана кошумча төлөмдөрсүз сатып алууга болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18