Бишкекте Сүймөнкул Чокморов менен Таттыбүбү Турсунбаеванын муралы жаңыланууда
Бишкекте Чүй проспектиси менен Панфилов көчөсүнүн кесилишиндеги Сүймөнкул Чокморов жана Таттыбүбү Турсунбаева түшүрүлгөн мурал өчүрүлдү. Төлөмүш Океевдин «Кызыл алма» кинофильминен алынган бул сүрөт 2022-жылдын май айында пайда болгон.
Анда Бишкек мэриясы кесилиштеги имараттын дубалы «Джубили Кыргызстан» камсыздандыруу компаниясынын демилгеси менен кооздолгонун билдирген.
«Бул дагы бишкектиктерге жана борбордун конокторуна жагат деп үмүттөнөм. Азырынча бул эскиз, бирок Сейидан Акуновдун кесипкөйлүгү жана «KYZart group» командасынын аркасында ал иш жүзүндө да ушундай сонун болоруна ишенем! Жаңысынын маанайы бир аз башкача. Буга чейинки мурал биз менен 4 жыл бою турду», — деди Хегай.

