USD87.45EUR95.88RUB1.07
24.kg

Бишкекте мамлекеттик мекемелерге бомба коюлганы боюнча 15ке жакын маалымат түштү

15:05, 22 июня 2026, Бишкек - 24.kg

Бишкекте кыска убакыттын ичинде мамлекеттик объектилерге жарылуучу заттар коюлганы тууралуу 15тен ашык жалган маалымат түштү. Бул тууралуу борбор калаанын Ички иштер башкы башкармалыгынан билдиришти.

Бишкектеги мамлекеттик мекемелерге бомба коюлганы тууралуу 15тен ашык маалымат түштү

Сигналдар түшкөндөн кийин милиция кызматкерлери аймактарды дароо курчоого алып, кызматкерлерди жана келген конокторду эвакуациялоону уюштурушкан. Ошондой эле окуя болгон жерлерге ыкчам-тергөө топтору, профилдик кызматтардын адистери жана кинологдор кызматтык иттери менен жөнөтүлгөн.

Милициянын маалыматы боюнча, объектилердин көбүндө текшерүү иштери аяктады. Жарылуучу заттар бар деген маалымат тастыкталган жок.

Бир катар объектилерди текшерүү дагы деле уланууда. Укук коргоо органдары окуянын чоо-жайын жана жалган маалыматтарды жөнөтүүгө тиешеси бар адамдарды аныктоо иштерин жүргүзүп жатышат.

Бардык текшерүү иш-чаралары аяктагандан кийин кошумча маалымат берилет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18