«Манас» аэропортуна бомба коюлганы тууралуу маалымат тастыкталган жок
14:53, 22 июня 2026, Бишкек - 24.kg
Бүгүн, 22-июнда «Манас» эл аралык аэропортуна бомба коюлганы тууралуу жалган маалымат түштү.
«Кыргызстан аэропорттору» ААКсынан 24.kg агенттигине билдиришкендей, маалымат саат 11:15те келип түшкөн, андан соң жүргүнчүлөр жана кызматкерлер эвакуацияланган.
Аэропорттун аймагын жана имараттарын текшерүүдөн кийин жарылуучу зат табылган эмес. Саат 12:15те аэропорт кайрадан кадимки тартипте иштей баштады.