Бишкекте «Үй сатылат» деген такталар үчүн бирдиктүү үлгү даярдалды
Бишкекте жеке турак жайларды сатуу боюнча жарыя такталары үчүн бирдиктүү дизайн иштелип чыкты. Бул тууралуу Шаар куруу жана архитектура департаментинен билдиришти.
Бул үлгү жеке турак жай курулуш объектилерине гана колдонулат. Долбоорго ылайык маалыматтык такта төмөндөгүдөй болушу кажет:
- Узундугу — 70 сантиметр, бийиктиги — 40 сантиметр, калыңдыгы — 3–5 милиметр;
- Такта акрил материалынан жасалып, фону кочкул көк түстө, жазуулары ак түстө болот;
- Жарнамада баш тамгалар колдонулуп, Bahnschrift шрифти менен жазылат.
Ошондой эле такталарды үйдүн фасадына же тосмосуна, жакшы көрүнгөн жерге жана жерден 1,5–2,5 метр бийиктикке орнотуу сунушталган.

«Жаңы үлгүдөгү маалыматтык такталар» аттуу эскиздик долбоор жакынкы убакта тиешелүү шаардык кызматтардын кароосуна жөнөтүлөт.