Кыргызстандык окуучу эл аралык физика боюнча олимпиадада коло медаль жеңди
Кыргызстандык окуучу Аскар Абдиев физика боюнча 10-Европа олимпиадасында (EuPhO 2026) коло медаль жеңип алды. Бул тууралуу Агартуу министрлиги билдирди.

Мындан тышкары, аталган олимпиадага катышкан «Газпром Кыргызстан» мектебинин 11-классынын окуучусу Айтегин Эмилбеков Ардак грамотага татыктуу болду.
Белгилей кетсек, олимпиада 12-16-июнда Швециянын Гётеборг шаарында өттү. Бул абройлуу мелдешке дүйнөнүн 41 өлкөсүнөн 199 эң мыкты окуучу катышып, теориялык жана эксперименталдык татаал тапшырмаларды аткарышкан.