USD87.45EUR95.88RUB1.07
24.kg

Садыр Жапаров Грузиянын премьер-министри Ираклий Кобахидзе менен жолугушту

12:52, 12 июня 2026, Бишкек - 24.kg

Президент Садыр Жапаров менен Грузиянын Премьер-министри Ираклий Кобахидзенин расмий жолугушуу аземи болуп өттү. Бул тууралуу мамлекет башчысынын басма сөз кызматы билдирди.

«Ынтымак Ордо» имаратынын алдына Кыргызстан менен Грузиянын мамлекеттик туулары илинип, Ардак кароол тизилип, этно-жоокерлер турушту.

Садыр Жапаров менен Ираклий Кобахидзе саламдашкандан кийин Ардактуу кароолдун рота командиринин рапортун кабыл алышты. Андан соң аскердик оркестр эки өлкөнүн мамлекеттик гимндерин аткарды.

Мындан кийин катарды кыдырып чыгышты, Ираклий Кобахидзе Ардактуу кароол ротасы менен «Салам аскер!» деп саламдашты. Андан соң алар расмий делегациялардын мүчөлөрүн бири-бирине тааныштырышты.

Расмий салтанат аяктаган соң Садыр Жапаров менен Ираклий Кобахидзе биргелешип сүрөткө түшүү үчүн «Ынтымак Ордого» киришип, сүйлөшүүлөр залына өтүштү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18