«Евразия» эл аралык сыйлыгына арыздарды кабыл алуу башталды
Кыргыз Республикасынын жарандары, маданият, билим берүү, медиа тармактарынын өкүлдөрү, коомдук жана ыктыярчылар уюмдары, ошондой эле коомдук мааниге ээ долбоорлордун авторлору жана командалары «Евразия» эл аралык сыйлыгына катышууга чакырылат. Бул тууралуу Маданият, маалымат жана жаштар саясаты министрлиги билдирди.

Конкурс 10 номинация боюнча өткөрүлүп, маданият, тил, билим берүү, медиа, социалдык колдоо, ыктыярчылык, эл аралык кызматташтык жана тарыхый эстутумду сактоо багыттарын камтыйт. Ар бир катышуучу үчкө чейин арыз тапшыра алат.
Долбоорлорду ар түрдүү өлкөлөрдөн келген 150дөн ашуун адистен турган эл аралык эксперттик кеңеш баалайт. Тандоонун жыйынтыгында эң мыкты демилгелер финалга өтүп, жеңүүчүлөр эл аралык деңгээлде таанылуу жана мындан аркы өнүгүүсү үчүн колдоо алуу мүмкүнчүлүгүнө ээ болушат.
Сыйлыктын жалпы байге фонду 17 миллион рублди түзөт.
Арыздарды кабыл алуу 2026-жылдын 30-августуна чейин уланат.