USD87.45EUR95.88RUB1.07
24.kg

Чүй облусундагы таштанды таштоочу жайдан өрт чыкты

10:20, 10 июня 2026, Бишкек - 24.kg

Чүй районунун Искра айылындагы таштанды таштоочу жайдан өрт чыкты. Тилсиз жоо тууралуу билдирүү 9-июнь күнү кечинде түшкөн.

Өрттү өчүрүү үчүн саат 19:38де окуя болгон жерге Чүй районунун № 24 өрткө каршы куткаруу бөлүмүнөн бир топ жөнөтүлгөн. Кийинчерээк, саат 23:35те өрттү чектөөгө кошумча катары Токмок шаарынын № 21 өрткө каршы куткаруу бөлүмүнөн дагы бир топ тартылган.

Өзгөчө кырдаалдар министрлигинин маалыматы боюнча, окуя болгон жерде эки өрт өчүрүү бөлүмү иштеп жатат. Ошондой эле Токмок мэриясынын эки суу ташуучу унаасы , бир бульдозер жана 20га чукул жергиликтүү тургун көмөктөшүүдө.

Учурда өрттүн аянты жана анын келип чыгуу себептери такталууда. ӨКМ кошумча маалыматтарды кийинчерээк берүүнү убада кылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18