Дүйнөлүк көчмөндөр оюндары: Ысык-Көлдө Кырчынга баруучу жол жаңыланууда
Ысык-Көлдө Кырчын жайлоосуна барчу жолдун 18 чакырымы асфальтталды. Бул тууралуу Транспорт жана коммуникациялар министрлигинен билдиришти.
Аталган долбоор Мамлекеттик капиталдык салымдар беренесинин эсебинен каржыланууда. Анын алкагында Семёновка — Ак-Суу унаа жолунун 21 чакырымы жана Григорьевка — Көл — Кашка-Суу унаа жолунун 14 чакырымы жаңыланып жатат. Жалпысынан 34 чакырым жолду оңдоо каралган.
Бул жол VI Дүйнөлүк көчмөндөр оюндары өтүүчү Кырчын жайлоосуна алып барат. Бийлик бул реконструкция аймактын транспорттук жеткиликтүүлүгүн жакшыртып, эл аралык иш-чаранын конокторун татыктуу тосуп алууга өбөлгө түзөт деп күтүүдө.