USD87.45EUR95.88RUB1.07
24.kg

ЕАЭБде электрондук сооданын көлөмү 110 миллиард долларга өстү

09:20, 29 мая 2026, Бишкек - 24.kg

Евразия экономикалык биримдигинде (ЕАЭБ) электрондук сооданын жүгүртүүсү 2024-жылдын жыйынтыгы боюнча 110 миллиард долларга өстү. Бул тууралуу журналисттерге Евразия экономикалык комиссиясынын интеграция жана макроэкономика боюнча министри Данияр Иманалиев билдирди.

Анын айтымында, бул биримдиктеги жалпы чекене сооданын 17 пайыздан ашыгын түзөт.

«Биз бул багытта чоң потенциалды көрүп жатабыз, ошондуктан ЕЭК Коллегиясы Бажы кодексинин алкагында да, ички соода чөйрөсүндө да бул секторду эсепке алуу жана жөнгө салуу үчүн ченемдик базаны түзүүнүн үстүндө иштеп жатат», — деди Данияр Иманалиев.

Ошондой эле бирдиктүү бажы транзиттик тутуму жөнүндө макулдашууга кол коюлганы, навигациялык пломбалар механизминин ишке киргизилгени жана ЕАЭБдеги процесстерди масштабдуу санариптештирүү иштери белгиленди.

Данияр Иманалиев бүгүнкү күндө 19 технологиялык платформа иштелип чыкканын жана алардын иши колдоого алынарын кошумчалады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18