USD87.45EUR95.88RUB1.07
24.kg

Мектепке кабыл алуу: 31-майда онлайн каттоонун биринчи этабы аяктайт

15:44, 25 мая 2026, Бишкек - 24.kg

Кыргызстанда 31-майда биринчи класска электрондук каттоонун биринчи этабы аяктайт. Бул тууралуу Агартуу министрлигинен билдиришти.

Маалыматка ылайык, бул этапта ата-энелер балдарын жашаган жери боюнча мектепке каттай алышат.

«Ал эми 1-июнда саат 10:00дөн тартып электрондук каттоонун экинчи этабы башталат. Бул этапта микроучасток боюнча катталбаган балдар бош орундар бар мектептерге кабыл алынат. Буга байланыштуу ата-энелерге арыздарды өз убагында тапшыруу сунушталат», — деп айтылат маалыматта.

Жалпысынан 192 250 орун каралган болсо, бүгүнкү күнгө карата 71 871 бала мектепке кабыл алынды.

Белгиленгендей, кабыл алуу 1mektep.edu.gov.kg сайты аркылуу, ошондой эле «Түндүк», MegaPay жана башка банктык тиркемелер аркылуу онлайн жүргүзүлөт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18