USD87.45EUR95.88RUB1.07
24.kg

Баткен облусунда сел жүрүп, үйлөр жана жолдорду зыянга учуратты

14:46, 25 мая 2026, Бишкек - 24.kg

Баткен облусунда нөшөрлөп жааган жамгырдан кийин сел жүрдү. Бул тууралуу президенттин аталган аймактагы ыйгарым укуктуу өкүлчүлүгүнөн билдиришти.

Маалыматка ылайык, президенттин өкүлүнүн биринчи орун басары Бактыбек Токсонбаев баштаган тиешелүү жетекчилер селден жабыркаган аймактарды жеринен көрүп чыкты.

Алар Коргон, Катыраң, Баул айылдарына баруучу ички жолдорду тазалоо жана калыбына келтирүү иштеринин жүрүшү менен таанышып, аткаруучуларга ыкчам жана сапаттуу иш алып баруу боюнча тапшырмаларды беришти.

Ошондой эле турак үйлөрдүн жер төлөлөрүнө кирген сууларды сыртка чыгаруу, арык-каналдарды тазалоо жана коопсуздукту камсыздоо боюнча иштер жүргүзүлүүдө.

Учурда аймакта селдин кесепеттерин жоюу боюнча атайын техникалар тартылып, тиешелүү кызматтар күчөтүлгөн тартипте иш алып барууда.

Жолдор ачык, унааларга чектөө жок.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18