USD87.45EUR95.88RUB1.07
24.kg

Пайдалуу кеңеш: Кардиолог жүрөккө эң пайдалуу салатты атады

12:09, 25 мая 2026, Бишкек - 24.kg

Кардиолог Герман Гандельман «Жить здорово!» көрсөтүүсүнүн эфиринде винегрет салатын жүрөк жана кан тамырлар үчүн эң пайдалуу салаттардын бири деп атады.

Дарыгердин айтымында, винегреттин негизги ингредиенттеринин бири болгон кызылчанын курамында азот кычкылы бар. Ал кан тамырлардын кеңейишине жана кан айлануунун жакшырышына өбөлгө түзөт. Гандельман бул касиетинин аркасында аталган жашылча эркектик потенциал көйгөйлөрүндө да пайдалуу болорун белгиледи.

Мындан тышкары, адис салатка кошулуучу өсүмдүк (күн карама) майы омега-3 поликаныкпаган май кислоталарына бай экенин эскертти. Бул заттар жүрөк-кан тамыр системасынын иштешине оң таасирин тийгизет.

«Башкача айтканда, кардиологдор винегретти толугу менен колдошот», — деп билдирди Гандельман.

Офтальмолог Михаил Коновалов бул тамактын көрүү жөндөмдүүлүгү үчүн да пайдалуу экенин кошумчалады. Анын айтымында, бышырылган сабиздин курамында көздүн рецепторлорун чыңдоого жардам берүүчү бета-каротин бар.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18