USD87.45EUR95.88RUB1.07
24.kg

Караколдогу нөшөр: Көп батирлүү үйлөрдүн жер төлөлөрүнөн суу сордурулуп жатат

10:05, 20 мая 2026, Бишкек - 24.kg

Караколдо бир нече көп батирлүү үйлөрдүн жер төлөлөрүнөн суу сордурулуп жатат. Бул тууралуу Өзгөчө кырдаалдар министрлигинин басма сөз борборунан билдиришти.

Маалыматка ылайык, «Восход» жана «Геология» кичи райондорундагы бир нече көп батирлүү үйлөрдүн жер төлөлөрүн суу каптаган.

Кесепеттерди жоюуга шаардын жарандык коргонуу кызматтары тартылды. Учурда ал жерде шаардык суу чарба жана жол тейлөө башкармалыгынын 2 экскаватору, «Тазалык» ишканасынын 3 ассенизатордук унаасы, мотопомпа жана ӨКМдин Каракол шаардык бөлүмүнүн куткаруучулары иштеп жатышат.

Азыркы тапта тазалоо жана сууну сордуруу иштери улантылууда.

Эске салсак, 19-май күнү Караколдо катуу нөшөрлүү жамгыр жааган. Жергиликтүү тургундар социалдык тармактарга көчөлөрдү суу каптап, суу күчтүү агым менен акканы тууралуу видеолорду жарыялашкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18