USD87.45EUR95.88RUB1.07
24.kg

Борбор калаада үч эм жарык дүйнөгө келди

14:47, 15 мая 2026, Бишкек - 24.kg

Бишкектеги № 2 клиникалык төрөт үйүндө операция жолу менен үч эм төрөлдү. Бул тууралуу Саламаттык сактоо министрлиги билдирди.

Маалыматка ылайык, 36 жаштагы борбор калаанын тургуну оор абалда кош бойлуулуктун 31 жумасында ооруканага түшкөн.

Дарыгерлер тарабынан тиешелүү дарылоо жана көзөмөл жүргүзүлгөндөн кийин, 30-апрель күнү 32 жумалык мөөнөттө үч эм жарык дүйнөгө келген.

Ымыркайлардын бири — эркек бала, экөө — кыз. Алардын салмагы 1730, 1590 жана 1460 граммды түзгөн.

Дарыгерлердин маалыматына караганда, ымыркайлар жетилбей төрөлгөндүктөн реанимация бөлүмүнө жаткырылып, жасалма дем алдыруучу аппаратка кошулган.

Учурда эненин жана ымыркайлардын абалы туруктуу.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18