Кара-Сууда 87 жаштагы аял дайынсыз жоголду, издөө иштери канал боюнда уланууда
11:36, 30 апреля 2026, Бишкек - 24.kg
Кара-Суу районунда каналга түшүп кетиши мүмкүн делген 87 жаштагы аял изделүүдө. Бул тууралуу Өзгөчө кырдаалдар министрлиги билдирди.
Маалыматка ылайык, 1939-жылы туулган М.Ж. 28-апрелде дайынсыз жоголгон. Алдын ала маалыматтар боюнча, ал Савай каналына түшүп калышы ыктымал.
Издөө иштерине 7 суучул, 5 милиция кызматкери, 20 жергиликтүү тургун тартылган.