USD87.45EUR95.88RUB1.07
24.kg

Кара-Суудагы жол кырсыгынан төрт адам каза болду. Окуянын чоо-жайы

13:17, 21 апреля 2026, Бишкек - 24.kg

20-апрелде Кара-Суу районунда болгон жол кырсыгынан каза тапкан төрт адам сөөк коюуга бара жатышкан. Окуянын чоо-жайын 24.kg басылмасына Ынтымак айыл өкмөтүнүн адиси Данияр Машаев билдирди.

Анын айтымында, каза болгондордун үчөө Ак-Терек, Жаңы-Арык жана Таш-Арык айылдарынын башчылары, ал эми төртүнчүсү аскер комиссариатынын кызматкери болгон. Алар 68, 64, 50 жана 49 жаштагы жарандар эле.

Маркумдар бир унаада Жаңы-Арыктан Кызыл-Суу айылына тажыяга бара жатышкан. Унаа жолдон чыгып кетип, Куршаб дарыясына кулап түшкөн. Бүгүн аларды акыркы сапарга узатуу зыйнаты өтүүдө.

Милициядан билдиришкендей, учурда окуянын чоо-жайы такталып, текшерүү иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18