USD87.45EUR95.88RUB1.07
24.kg

Кыргызстанда алгачкы жолу мамлекеттик үлгүдөгү PhD дипломдор тапшырылды

15:05, 17 апреля 2026, Бишкек - 24.kg

Кыргызстанда алгачкы жолу мамлекеттик үлгүдөгү 12 PhD диплом тапшырылды. Бул тууралуу Илим, жогорку билим берүү жана инновациялар министрлигинен билдиришти.

Маалыматка ылайык, мамлекеттик үлгүдөгү PhD дипломдору философия доктору окумуштуулук даражасын тастыктайт.

PhD программалары боюнча илимий кадрларды даярдоо 2013-жылы пилоттук долбоор катары башталган. 2020-жылы жогорку кесиптик билим берүүнүн үч баскычтуу системасына өтүү министрлер кабинетинин токтомдору менен бекитилген. Ал эми 2023-жылы «Илим жөнүндө» КР мыйзамы менен PhD окумуштуулук даражасы расмий таанылган.

Мамлекеттик үлгүдөгү документ санарип талаптарына жооп берет жана мамлекеттик портал «Түндүк» ААКы тарабынан иштелип чыккан.

Бүгүнкү күндө Кыргызстанда 21 жогорку окуу жай PhD программалары боюнча илимий кадрларды даярдоодо. Жалпысынан 80 бүтүрүүчү PhD даражасын алган, алардын 32 пайызы чет өлкөлүк жарандар.

Белгиленгендей, 2025-жылдын январь айынан тартып PhD даражасына ээ болгон адистерге мамлекеттик бюджеттин эсебинен ай сайын кошумча төлөмдөр каралган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18