USD87.45EUR95.88RUB1.07
24.kg

«Нелегал» операциясы. Баткен облусунда төрт кылмыш жана 37 эреже бузуу аныкталды

13:25, 17 апреля 2026, Бишкек - 24.kg

Баткен облусунда 2026-жылдын 13-апрелинен 16-апрелине чейин жүргүзүлгөн «Нелегал» алдын алуу операциясы аяктады. Бул тууралуу Баткен облусунун Ички иштер департаментинин басма сөз кызматы билдирди.

Маалыматка ылайык, операциянын алкагында укук коргоо органдарынын кызматкерлери чет элдик жарандардын аймакта болушунун жана иштөөсүнүн мыйзамдуулугун текшеришти. Өзгөчө көңүл Кыргызстандын миграция мыйзамдарынын сакталышына бурулду.

Аталган операциянын жыйынтыгында КРнын Жоруктар жөнүндө кодексине ылайык 37 административдик протокол түзүлүп, эреже бузгандарга айып пул салынды. Ошондой эле, операциянын жүрүшүндө төрт кылмыштын бети ачылды.

Мындай иш-чаралар миграция чөйрөсүндөгү көзөмөлдү күчөтүүгө жана кылмыштуулуктун алдын алууга багытталганы белгиленди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18