Көл үстүндө Ак боз үй: Жети-Өгүз районунда «Өрүк гүлү» фестивалы өтүүдө
Ысык-Көл облусунун Жети-Өгүз районунун Кичи-Жаргылчак айылында «Өрүк гүлү» фестивалы өтүп жатат. Өрүк майрамында көл үстүндө Ак куудай сүзүп келаткан керемет ак Боз үй баардыгын таң калтырды.
Бул «Өрүк фест» фестивалынын максаты: Райондун айылдарынын күч-аракеттерин бириктирүү, мөмө-жемиш өндүрүшүн өнүктүрүү үчүн инвестицияларды тартууга көмөк көрсөтүү, аймактын айыл чарба продукцияларын дүйнө элине таанытуу, экологиялык-туризм тармагын өнүктүрүү болуп саналат.
Бул идеанын автору Марат Орозалиевдин айтымында, Боз үйдү көл үстүндө тегеретип келүү үчүн Бишкектен атайын элүүдөй камера алып келинген. Анын баарын үйлөтүп, тактайдын алдына жайгашкан. Тактайыдын үстүндөгү ак Боз үй 3-4 чакырымдан сүзүп келген.
Учурда Өрүк гүлү майрамы уланып жатат.


