USD87.45EUR95.88RUB1.07
24.kg

Азия чемпионаты: Бишкекте алыш белбоо күрөшү боюнча мелдештер башталды

10:30, 14 апреля 2026, Бишкек - 24.kg

Бишкектеги «Жаштык Арена» спорт комплексинде алыш белбоо күрөшү боюнча Азия чемпионаты башталды. Бул тууралуу Дене тарбия жана спорт мамлекеттик агенттигинен билдиришти.

Маалыматка ылайык, мелдеште жалпы 15 өлкөдөн келген спортчулар күч сынашат.

Беттештер классикалык жана эркин стилдер боюнча өткөрүлөт.

Эркектер: 60кг, 70кг, 80кг, 90кг, 100кг чейинки жана 100 кг жогорку салмак категориясында мелдешет.

Кыз-келиндер: 55кг, 60кг, 65кг, 70кг, 75кг чейинки жана 75кг жогорку салмак категориясында күч сынашат.

Чемпионат Спорттун улуттук түрлөрү боюнча дирекциясы тарабынан Дүйнөлүк алыш белбоо күрөшү федерациясы менен биргеликте уюштурулду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18