USD87.45EUR95.88RUB1.07
24.kg

Бүгүн Бишкекте «Уңгужол: маданий-руханий жаңылануу» аттуу улуттук форум өтөт

08:00, 02 апреля 2026, Бишкек - 24.kg

Бишкек шаарында «Уңгужол: маданий-руханий жаңылануу» аттуу чыгармачыл жана илимий интеллигенциянын улуттук форуму өтөт. Бул тууралуу Маданият, маалымат жана жаштар саясаты министрлиги билдирди.

Маалыматка ылайык, иш-чара Кыргыз Республикасынын мамлекеттик катчысы А.К. Койчиевдин жетекчилиги астында, Министрлер кабинетинин төрагасынын орун басары Э.Ж. Байсаловдун, мамлекеттик органдардын, чыгармачыл союздардын, илимий коомчулуктун, маданият, искусство жана билим берүү тармактарынын өкүлдөрүнүн катышуусунда Т. Сатылганов атындагы Кыргыз улуттук филармониясында өткөрүлөт.

Форумга өлкөнүн жети облусунан, ошондой эле Бишкек жана Ош шаарларынан 800гө жакын өкүл катышат.

Форумдун алкагында маданият менен илимдин улуттук өнүгүүдөгү орду, чыгармачыл жана илимий интеллигенциянын коомдогу миссиясы, маданий-руханий жаңылануунун негизги багыттары, ошондой эле чыгармачыл союздарды өнүктүрүүнүн мамлекеттик механизмдери талкууланат.

Иш-чаранын жүрүшүндө катышуучулар өз сунуштарын берип, маданият менен илимди өнүктүрүүгө багытталган жаңы демилгелерди көтөрүшөт.

Форумдун жыйынтыгында тиешелүү чечимдер кабыл алынып, иш-чаралар планы иштелип чыгат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18