USD87.45EUR95.88RUB1.07
24.kg

Бишкекте «Манас» маданий борбору курула баштады

16:22, 23 марта 2026, Бишкек - 24.kg

Бүгүн, 23-мартта Бишкекте жаңы «Манас» маданий борборунун курулушуна мезгил кутучасы салынды.

Иш-чарага президенттин Иш башкармалыгынын башчысы Каныбек Туманбаев катышып, жаңы заманбап «Манас» комплексинин курулушуна расмий түрдө старт берди.

Имараттын жалпы аянты 6681 чарчы метрди түзөт. Долбоордун алкагында курулуш үчүн 2 гектар жер тилкеси бөлүнгөн.

«Манас» комплекси улуттук маданиятты өнүктүрүү, тарыхый-маданий мурастарды сактоо жана ар кандай деңгээлдеги иш-чараларды өткөрүү үчүн ыңгайлуу шарттарды түзүүгө багытталган уникалдуу маданий борбор болуп саналмакчы.

Белгилей кетсек, курулуш иштерин 2027-жылдын экинчи кварталында аяктоо пландалууда. «Манас» борбору толугу менен өзүн-өзү каржылаган, чыгымдарын өз кирешесинин эсебинен жапкан маданий комплекс болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18