USD87.45EUR95.88RUB1.07
24.kg

Соң-Көлгө төрт миллион балыктын чабагы коё берилди

16:37, 18 марта 2026, Бишкек - 24.kg

«Соң-Көл балык чарба» мамлекеттик ишканасы тарабынан май-канат балыгынын орточо салмагы 0,30 грамм болгон 4 миллион 200 миң чабак коё берилди. Бул тууралуу Суу чарба жана айыл чарба министрлиги билдирди.

Маалыматка ылайык, бул балыктандыруу иш-чарасы Суу ресурстары, айыл чарба жана кайра иштетүү өнөр жайы министрлигине караштуу Балык өнөр жайы комплекси департаментинин 2025—2026-жылдарга карата бекитилген планынын негизинде өткөрүлдү.

Комиссиялык топтун курамында «Соң-Көл балык чарба» мамлекеттик ишканасынын кызматкерлери, Каратал-Жапырык мамлекеттик коругунун жетекчисинин орун басары жана кызматкерлери, ошондой эле Нарын Улуттук телерадиоберүү корпорациясынын өкүлдөрүнүн катышуусунда жүргүзүлдү.

Иш-чара суу сактагычтагы балык запастарын көбөйтүүгө, биологиялык тең салмактуулукту сактоого жана балык чарбасын туруктуу өнүктүрүүгө багытталган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18