USD87.45EUR95.88RUB1.07
24.kg

Камчыбек Ташиев убактылуу өлкөдөн чыгып кетти

12:03, 17 февраля 2026, Бишкек - 24.kg

УКМКнын мурдагы төрагасы Камчыбек Ташиев чет өлкөгө чыгып кетти. Бул тууралуу бүгүн, 17-февралда «Region» телеканалынын директору Өткүрбек Рахманов социалдык тармактагы баракчасында билдирип, атайын кызматтын мурдагы башчысынын «Манас» эл аралык аэропортунда жакындары менен коштошуп жаткан видеосун жарыялады.

Ал так себебин айткан эмес, бирок Ташиев убактылуу гана өлкөдөн кеткенин белгиледи. Видеодо чет өлкөдө болуу максаты жана мөөнөтү сыяктуу башка эч кандай маалымат жок.

Эске сала кетсек, Камчыбек Ташиевге байланыштуу кадрдык чечимдер мурда коомчулукта кызуу талкууланып келген. Ушул жагдайдан улам анын келечектеги пландары боюнча ар кандай версиялар пайда болгон.

Азырынча анын кетиши боюнча мамлекеттик органдардан расмий комментарийлер боло элек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18