USD87.45EUR95.88RUB1.07
24.kg

Эрлан Шеров Европа Кубогунда алтын медаль жеңди

10:10, 16 февраля 2026, Бишкек - 24.kg

Кыргызстандык спортчу Эрлан Шеров дзюдо боюнча Ачык Европа Кубогунда алтын медалды жеңип алды. Бул тууралуу спорт журналисти Тахир Гафуров социалдык тармакта билдирди.

Маалыматка ылайык, мелдештер 14-15-февраль күндөрү Словениянын борбору Любляна шаарында өттү.

Турнирге 45 мамлекеттен 513 спортчу катышты.

Эрлан Шеров 90 кг чейинки салмак категориясында биринчи айлампаны өткөрүп, 1/16 финалда бельгиялык Карл Фубертти,1/8 финалда литвалык Августас Слизеринецти, чейрек финалда франциялык Эниэль Кэролини, жарым финалда египеттик Абдалла Абдельсамейдини ишенимдүү жеңди.

Ал эми финалдык беттеште россиялык Давид Карапетянды утуп, мелдештин чемпиону аталды.

Эске салсак, Эрлан Шеров — дзюдо боюнча Кыргыз Республикасынын эл аралык класстагы спорт чебери, адистештирилген балдар жана өспүрүмдөр олимпиадалык резерв мектебинин бүтүрүүчүсү жана 2023-жылдагы Азия чемпионатынын жеңүүчүсү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18