USD87.45EUR95.88RUB1.07
24.kg

Жогорку Кеңештин делегациясы март айында Орусияга расмий сапар менен барат

13:05, 28 января 2026, Бишкек - 24.kg

Жогорку Кеңештин делегациясы март айынын аягында Орусияга расмий сапар менен барат. Бул тууралуу бүгүн, 28-январда парламенттин жалпы жыйынында төрага Нурланбек Тургунбек уулу билдирди.

Төрага жыйында депутат Дастан Жумабековдун Орусияда иштеген кыргызстандыктар туш болгон көптөгөн көйгөйлөр тууралуу суроосуна жооп берип жатып айтты.

Анын айтымында, чек арада мекендештердин товарлары кармалып турат. «Жеңил өнөр жайынын өкүлдөрү да көптөгөн көйгөйлөргө туш болууда. Мен парламент бул маселелерди жогорку деңгээлде чечүүгө катышуусу керек деп эсептейм. Бардык актуалдуу маселелерди көтөрүү жана Россия Федерациясында иштеген жарандарыбызга жардам берүү үчүн Орусияга сапар уюштурушубуз керек», — деп кошумчалады Дастан Жумабеков.

Төрага мындай деп жооп берди: «Жогорку Кеңешке Россиянын Федерация Кеңешинин төрайымы Валентина Матвиенко жана Мамлекеттик Думанын спикери Вячеслав Володин чакыруу келген».

«Расмий сапар учурунда маанилүү маселелер талкууланат», — деп кошумчалады ал.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18