USD87.45EUR95.88RUB1.07
24.kg

Өзбекстандан келген дээрлик 27 тонна пияз Кыргызстанга киргизилген жок

10:03, 20 января 2026, Бишкек - 24.kg

Фитосанитардык коопсуздукту камсыз кылуу үчүн Ош шаарынын химиялаштыруу, өсүмдүктөрдү коргоо жана карантин боюнча башкармалыгы мамлекеттик чек арада күчөтүлгөн фитосанитардык көзөмөлдү жүргүзүп жатат.

Суу чарбасы, айыл чарба жана кайра иштетүү өнөр жай министрлигинин маалыматына ылайык, өткөн жуманын соңунда «Достук» көзөмөл өткөрүү пункту аркылуу Өзбекстандан Кыргызстандын аймагына ташылып кирүүгө аракет жасалган 26 тонна 978 кг пияз продукциясы тиешелүү фитосанитардык сертификатынын жоктугуна жана жүктүн белгиленген тартипте маркировкаланбагандыгына байланыштуу Кыргыз Республикасынын аймагына киргизилген жок.

Аталган жүк Ош башкармалыгынын адистери тарабынан текшерилип, фитосанитардык мыйзам бузуулар аныкталгандыктан, жүк ташуучу тарапка кайра кайтарылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18