USD87.45EUR95.88RUB1.07
24.kg

Бишкекте миңден ашык үй-бүлө «Мурас» турак жай комплексинен батир алышты

11:32, 12 января 2026, Бишкек - 24.kg

Бүгүн, 12-январда Бишкектеги «Мурас» турак жай комплексинен 1080 үй-бүлө көптөн күткөн батирине ээ болушту. Бул тууралуу президенттин Иш башкармалыгын жетекчиси Каныбек Туманбаев социалдык баракчасы аркылуу билдирди.

Анын айтымында, Маликов көчөсүндөгү «Мурас» турак жай комплексинде 8 блоктон турган 18 жана 24 кабаттуу ипотекалык үйлөр берилди. Ал «Сабырдуу болсок, кезекте турган жарандар 2-3 жылдын ичинде үйлүү болосуздар», — деп айткан.

Президенттин Иш башкармалыгы ипотекалык турак жай программасы пландалгандай ишке ашырылып жатканын баса белгиледи. Ошентип, 2025-жылы Мамлекеттик ипотекалык компания аркылуу 4662 жаран батир алган. Учурда Мамлекеттик ипотекалык компания аркылуу 80 245 батир курулуп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18